Qyzylordada 240 otbasy jańa baspananyń kiltin aldy
Táýelsizdik kúni qarsańynda Syrdarııa ózeniniń sol jaǵalaýynda ornalasqan kredıttik kópqabatty turǵyn úılerdiń kilti saltanatty túrde tabystaldy. Bul kópqabatty úıler «Nurly jer» baǵdarlamasy aıasynda salynǵan.
Sońǵy jyldary Qyzylordada 15 jańa shaǵynaýdan boı kóterip, nátıjesinde 7 myńnan astam qyzylordalyq baspanaly boldy. Aıta keteıik, jyl basynan beri 1000-ǵa jýyq páterdiń kilti tabystaldy. Turǵyn úılerdiń jalpy aýdany - 10 myń 900 sharshy metr. Oblysta júzege asqan qurylys jumystarynyń 31,4 paıyzy - Qyzylorda qalasynyń úlesinde. Sol jaǵalaýdaǵy jańa qalada respýblıkalyq, oblystyq bıýdjetterden 820 páterlik 16 kópqabatty arendalyq turǵyn úı men 830 páterlik 17 kópqabatty kredıttik turǵyn úıdiń qurylysy júrgizilýde.
Oblys ákimi Qýanyshbek Ysqaqov jańa qonys ıelerin quttyqtap, jyly lebizin jetkizdi.
«Jergilikti qurylysshylar Qyzylorda qalasynda jańa nysandardyń irgetasyn qalap, sol jaǵalaýda jańa qala salý ıdeıamyzǵa qoldaý kórsetip keledi. Osyndaı ıgi isterge qoldaý kórsetken barlyq qurylys kompanııasyna jáne jumysshylardyń eńbekterine qala turǵyndary atynan alǵysymdy aıtamyn», - dedi oblys ákimi Q.Ysqaqov.
Táýelsizdik merekesi qarsańynda baspanaly bolǵandardyń basym bóligi - jas otbasylar. Olardyń arasynda dárigerler men ustazdar, quqyq qorǵaý salasynyń qyzmetkerleri de bar.
