Qyzylordada 24 jastaǵy turǵyn aýyldasynyń 2 myń press shóbin órtep jiberdi
QYZYLORDA. QazAqparat - Qyzylorda oblysynda jergilikti turǵyn aýyldasynyń 2 myń press jońyshqa men 12 tonna jemin órtep jiberdi, dep habarlaıdy QazAqparat tilshisi.
Jańaqorǵan aýdandyq polıtsııa bólimine Túgisken aýylynyń turǵynynan aryz tústi. Onda mal qorada turǵan 2 myń press jońyshqa shóbi men 12 tonna jemin belgisiz bireýdiń órtep jibergeni týraly aıtylǵan. Osylaısha jábirlenýshige 2, 5 mln zalal kelgen.
«Aýdandyq tártip saqshylarymen jedel izdestirý sharalaryn júrgizdi. Atalǵan oqıǵaǵa kúdikti retinde sol aýyldyń 24 jastaǵy turǵyny ustaldy. Tıisti saraptamalar taǵaıyndaldy. Atalǵan derek boıynsha QR Qylmystyq kodeksiniń 202 babynyń 2 bóligimen tergep-tekserý amaldary júrgizilýde. Onda bótenniń múlkin qasaqana joıý nemese búldirý jaǵdaıy kórsetilgen. Oqıǵanyń oryn alý sebebi jáne mán-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, Qyzylordada 12 tonna propan tasymaldap bara jatqan kólik órtendi.
