Qyzylordada 23 jastaǵy jigit úsh aıdan astam ýaqyttan beri tabylmaı jatyr

QYZYLORDA. QazAqparat - Qyzylorda qalasynda 23 jastaǵy jigit úsh aıdan astam ýaqyttan beri tabylmaı jatyr, dep habarlaıdy QazAqparat tilshisi.

Bul jóninde Qyzylorda qalalyq polıtsııa basqarmasy málim etti.

«1999 jyldyń 10 qarashasynda dúnıege kelgen Tórebekov Asqar Berikuly bıylǵy jyldyń maýsym aıynda úıinen shyǵyp ketken. Sodan beri úıine qaıta oralmaǵan. Boıynyń uzyndyǵy 182 sm, aryqsha kelgen. Shashy qysqa. Atalǵan habarlama boıynsha qandaı da bir aqparat nemese júrgen jeri týraly málimet bilgen jaǵdaıda 8(7242)-29-75-20 telefonyna nemese 102 arnasyna qońyraý soǵýdy suraımyz», - dep jazylǵan Qyzylorda qalalyq polıtsııa basqarmasy taratqan habarlamada.

Eske salsaq, budan buryn Qyzylorda oblysy Jańaqorǵan aýdanynyń turǵyny 18 qyrkúıekten beri tabylmaı jatqanyn habarlaǵan edik.