Qyzylordada 220 otbasy baspanaly boldy
Jańa nysandardyń ashylýyna oblys ákimi qatysyp, qala turǵyndaryn quttyqtady. Olar 320 orynǵa arnalǵan «Hanshaıym ana» balabaqshasymen, jalpy sany 220 páterdi quraıtyn sol jaǵalaýyndaǵy jańa qalada ornalasqan 4 kópqabatty turǵyn úı.
Tyl jáne aýǵan soǵysynyń ardageri men ata anasynyń qamqorlyǵynsyz qalǵan jastar jáne 2- top múgedekterine páter kilti tabystaldy. Sońǵy jyldary qalamyzda 15 jańa shaǵyn aýdan boı kóterip, 7 myńnan astam qyzylordalyq baspanaly boldy. Sonymen qatar, osy jyly turmysy tómen kópbalaly otbasylardy turǵyn úımen qamtamasyz etý úshin «Balameken» jobasy aıasynda Bolat Ótemuratovtyń jeke qorynyń demeýshilik qoldaýymen 100 otbasy turǵyn úımen qamtylǵanyn bilesizder.
Sondaı-aq, búginde Syrdarııanyń sol jaǵalaýynda 50 páterlik 25 turǵyn úıdiń qurylysy júrgizilýde.
Qarjylandyrýdyń barlyq kózderi esebinen esepti merzimde jalpy aýdany 179 myń 868 sharshy metr turǵyn úı paıdalanýǵa berildi. Bul kórsetkish ótken jylmen salystyrǵanda birneshe esege artqan.
Dál osy kúni paıdalanýǵa berilgen jańa balabaqsha memlekettik jekeshelik áriptestik aıasynda boı kótergen. 3 qabattan turatyn ǵımarattyń jalpy aýdany 6640 sharshy metr. Quny 874,6 mln teńge. Zamanaýı úlgide salynǵan balabaqsha 16 topqa arnalǵan, ár topta 20 baladan tárbıelenedi. Aımaq basshysy óz sózinde «Óskeleń urpaqqa salynǵan ınvestıtsııa -bolashaǵymyzdyń jarqyn bolýynyń kepili».Bul maqsatta memlekettik-jekeshelik áriptestik baǵdarlamasy úlken ról atqarýda. Qazirgi tańda oblystaǵy jekemenshik balabaqshalardyń úlesi 72 paıyzdy quraıtyndyǵyn atap ótti.
