Qyzylordada 21 jylqyny qoldy etken ury qolǵa tústi
QYZYLORDA. QazAqparat - Qyzylorda oblysynda 21 jylqyny qoldy etken ury qolǵa tústi, dep habarlaıdy QazAqparat tilshisi.
Aral aýdany Toqabaı eldi mekeniniń turǵyny polıtsııaǵa aryzdanǵan bolatyn. Polıtseıler jedel izdestirý sharalaryn júrgizdi. Nátıjesinde mal urlaǵan adam qolǵa tústi.
«Kúdiktini Aralǵa kórshiles Qazaly aýdanynyń qyzmetkerleri ustady. Qylmystyq isti ashýda krımınaldyq polıtsııa qyzmetkerleri, polıtsııa maıory Almat Berdibekov, jedel ýákilder polıtsııa aǵa leıtenanty Nurbek Almaǵanbetov jáne Murat Baımahanov belsendi áreket etti. Olarǵa Aral aýdanynda 21 jylqysy qoldy bolǵan turǵyn Aralbek Baıjaqanov alǵysyn bildirdi», - dep málim etti Qyzylorda oblystyq polıtsııa departamentiniń baspasóz qyzmeti.
