Qyzylordada 21 jastaǵy jigit sýǵa ketti

QYZYLORDA. QazAqparat - Qyzylorda oblysy Qarmaqshy aýdanyna qarasty Dúr Ońǵar aýylynda 21 jastaǵy jigit Syrdarııa ózenine sýǵa aǵyp ketti, dep habarlaıdy QazAqparat tilshisi.

Ol ózenniń arnaıy belgilenbegen tusynda sýǵa túspek bolǵan. Onyń jansyz denesi kóp uzamaı sol aýmaqtan tabylyp, sýdan shyǵaryldy.

«Qyzylorda oblysy aýmaǵynda jyl basynan beri 29 adam sýǵa ketti. Onyń 12-si bala. Departament tarapynan sýdaǵy qaýipsizdik jónindegi reıdter men úgit-nasıhat jumystary turaqty túrde júrgizilip keledi. Soǵan qaramastan sýǵa túsýdegi qaýipsizdik sharalary saqtala bermeıdi. Sondyqtan oblys turǵyndaryna ózderi men balalarynyń sýǵa túsý kezinde saq bolýyn suraımyz»,-dedi Qyzylorda oblysy tótenshe jaǵdaılar departamenti bastyǵynyń orynbasary Saıd Moldaqaraev.

Budan buryn Aralda teplovoz relsten shyǵyp ketkenin habarlaǵan edik.