Qyzylordada 21 polıtsııa qyzmetkeri marapattaldy
Bul týraly QazAqparat tilshisi oblystyq ІІD silteme jasaı otyryp habarlady.
Osy oraıda, 14 jeltoqsan kúni Qyzylorda oblystyq ishki ister departamentiniń úlken májilis zalynda merekelik is-shara ótti. Saltanatty is-sharaǵa ishki ister salasynyń ardagerleri, departament jáne basqarma basshylary men jeke quram qatysty.
Shara barysynda Qyzylorda oblysy Іshki ister departamentiniń bastyǵy polıtsııa polkovnıgi Qaırat Muhıtov Qazaqstan Respýblıkasy Prezıdentiniń 29 qarasha 2016 jylǵy №380 Jarlyǵyna sáıkes, memlekettiń qalyptasýyna, egemendiginiń nyǵaıý men áleýmettik-ekonomıkalyq damýyna qosqan úlesi úshin departamenttiń 21 qyzmetkerin «Qazaqstan Respýblıkasynyń táýelsizdigine 25 jyl» mereıtoılyq medalimen nagradtady.
Іshki ister mınıstri, polıtsııa general-polkovnıgi Qalmuhanbet Qasymovtyń merekelik quttyqtaý haty resmı túrde oqylyp, mınıstrdiń buıryǵymen quqyqtyq tártip pen qaýipsizdikti qamtamasyz etýde erekshe kózge túsken departamenttiń 15 qyzmetkeri marapattaldy. Atap aıtqanda, departamenttiń Oqý-jattyǵý vzvody komandıriniń orynbasary polıtsııa maıory Esmahanov Talǵat Baltabaıulyna «polıtsııa podpolkovnıgi» arnaýly ataǵy merziminen buryn berilse, Shıeli aýdandyq ishki ister bóliminiń kezekshi bólimshesiniń bastyǵy polıtsııa maıory Turmanov Bolat Ábjapbaruly men Jalaǵash aýdandyq ishki ister bólimi Jergilikti polıtsııa qyzmetiniń bastyǵy polıtsııa maıory Eralıev Aqtaý Meshitbaıuly «Quqyq tártibin qamtamasyz etýge qosqan úlesi úshin» medalimen nagradtaldy. Departamenttiń Tergeý basqarmasynyń asa mańyzdy ister jónindegi aǵa tergeýshisi polıtsııa polkovnıgi Mansharıpov Aıdarbek Jaksybekuly men Oqý-jattyǵý vzvodynyń komandıri polıtsııa podpolkovnıgi Shakıev Erlan Serikbaıuly Іshki ister mınıstrliginiń «Qurmet gramotasymen», Jedel josparlaý basqarmasynyń jedel kezekshisi polıtsııa maıory Serimbetov Tasbolat Erbolatuly ІІ dárejeli «Іshki ister organdarynyń úzdigi» tósbelgisimen marapattaldy.
«Táýelsizdik kúni elimizdiń barlyq azamattary úshin orny erekshe mereke dep bilemiz, sebebi, osynaý júrekjardy qýanyshqa toly kúndi ata-babalarymyz ǵasyrlar boıy armandap, kútýmen ótti. Osy barlyǵy úshin orny bólek merekemen barlyqtaryńyzdy quttyqtaımyn. Halyqtyń qaýipsizdigin bıik qoıyp, asqaq murattarǵa adal qyzmet etý jolynda sáttilik tilep, azamattyq boryshyn óteý jolynda aıanbaı eńbek ete berýlerińizge tilektestik bildiremin», - dedi Ardagerler Keńesiniń tóraǵasy Serikbol Tuńǵyshbaev.
Merekelik is-shara departament qyzmetkerleriniń Táýelsizdik kúnine arnalǵan kontserttik baǵdarlamasymen jalǵasty.
