Qyzylordada 2025 jylǵa deıin jergilikti kanaldardy tsıfrlandyrýǵa mán beriledi
Atalǵan shara sý sharýashylyǵyn tıimdi basqarýǵa jol ashady. Tsıfrlandyrý arqyly kanaldar boıynsha beriletin sýdy tıimdi paıdalaný men únemdeýge qol jetkiziledi.
Taǵy bir aıta keterligi, Úkimet tarapynan ázirlenip jatqan aldaǵy 5 jylǵa arnalǵan «Jasyl Qazaqstan» Ulttyq jobasy. Onda sý nysandarynyń ekojúıesin saqtap, ony únemdi paıdalaný úshin oblystyń 237 sý sharýashylyǵy jobasyn engizý boıynsha jumys júrgizilip jatyr. Búgingi kúni, «Qyzylorda» jáne «Áıtek» sý toraptaryna jóndeý jumystary júrgizip jatsa, 2023 jylǵa deıin kommýnaldyq menshiktegi 192 sý sharýashylyǵy nysandaryn tazalaý jáne jóndeý jumystary kezeń-kezeńmen atqarylatyn bolady.
Sondaı-aq, óńirde azyq-túlik qaýipsizdigin qamtamasyz etýde jeke qosalqy sharýashylyqtardyń múmkinshiligin tıimdi paıdalaný úshin kooperatsııa júıesin jetildirýge mańyz beriledi.
«Osyǵan oraı biz Jambyl oblysynyń «Alqaptan sórege deıin» pılottyq jobasyn iske asyrýǵa nazar aýdarylmaq. Bul baǵytta olardyń tájirıbesin zerttep, tıisti sharalar toptamasyn engizý baǵytynda jumys isteımiz. Osy baǵytta respýblıkalyq bıýdjetten 2022 jylǵa 6,5 mlrd. teńgege bıýdjettik ótinim joldandy», - dedi basqarma basshysy.
Al jeke qosalqy sharýashylyqtardaǵy mal basyn tıisti jaıylymdyq, shabyndyq jerlermen qamtamasyz etý maqsatynda eldi meken aýmaǵyndaǵy barlyq jerge túgendeý jumystaryn jasap, jeke qosalqy sharýashylyqtaryna jer berýdi zańdastyrý baǵytynda jumystar júrgizilýde. Jaıylymdardy tıimdi paıdalaný maqsatynda olardy baqylaýdyń jańa ádisteri, tıisti memlekettik qoldaý sharalary barynsha paıdalanylady. Sondaı-aq, jaıylymdardy túbegeıli jaqsartý, sýlandyrýdyń barynsha tıimdi tásilderin qoldana otyryp, jańa jaıylymdyq jerlerdi aınalymǵa tartý jumystary qolǵa alynýda.
Eske salsaq, bqdan buryn Qyzylordada jylý berý nysandarynyń qysqa daıyndyǵy pysyqtaldy