Qyzylordada 2020 jyly shyny zaýyty iske qosylady
QYZYLORDA. QazAqparat - Qyzylordada 2020 jyly shyny zaýyty iske qosylady, dep habarlaıdy QazAqparat tilshisi.
Qýaty jylyna 197,1 myń tonna shyny óndiretin zaýyt 2020 jyldyń shilde aıynda iske qosylady. Bul týraly óńirlik kommýnıkatsııalar qyzmetiniń aqparat alańynda «Orda Glass Ltd» JShS-niń basqarma tóraǵasy Erjan Saǵynbaev málimdedi.
«Qazirgi tańda qurylys jumystaryna 11 merdiger kompanııadan 219 jumysshy jumyldyryldy. Qurylys zattarynyń basym bóligi jergilikti jerden alynǵan. Jumysshylarǵa da bar jaǵdaı jasalǵan. Zaýyt tolyq iske qosylǵanda 160 adam eńbekpen qamtylady. Sonymen qatar, shyny zaýytynyń qurylysyna bas merdiger retinde qytaılyq «Chaın Trıýmf Interneshnl Injınırıng» transulttyq kompanııasy tartyldy. Ústimizdegi jyldyń 4 jeltoqsanynda seriktestik ókilderiniń «StewartEngineers» vıtse-prezıdenti Volterom Denıelmen kezdesýi ótti. Nátıjesinde, eki tarap ortaq sheshimge keldi», - dedi Erjan Saǵynbaev.
Sondaı-aq, shyny zaýytyn gaz jáne sýmen jabdyqtaý, elektr jelilerin, avtojol jáne baılanys ornatý úshin jumystar júrgizilýde.
