Qyzylordada 200-den astam sheteldik elden qýyldy
QYZYLORDA. QazAqparat - Qyzylorda oblysynda jyl basynan beri kóshi-qon zańyn buzǵan 212 sheteldik el aýmaǵynan shyǵaryldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, 7 aıda oblys aýmaǵyna túrli maqsatpen kelgen 27 myńnaa astam shetel azamaty ýaqytsha tirkeýge alynǵan. Onyń ishinde 25 184-i TMD elderinen bolsa, al 1 896-y alys shet elden kelgender.
«Ákimshilik kodekstiń 517-baby boıynsha zań talaptaryn buzǵan 3 307 sheteldik anyqtalyp, ákimshilik jaýapkershilikke tartyldy. Ákimshilik jolmen respýblıka aýmaǵynan 212 sheteldik shyǵaryldy», - delingen departament habarlamasynda.
Olarǵa 9,1 mln teńge ákimshilik aıyppul salynǵan. Sondaı-aq, óńirde jyl basynan 10 391 sheteldiktiń eńbegi zańdastyryldy.
