Qyzylordada 20 jastaǵy jigit munaı saqtaıtyn ydysqa qulap, mert boldy

QYZYLORDA. QazAqparat - Qyzylordada Keńlik munaı ken ornynda 20 jastaǵy munaı óndirý operatory munaı saqtaıtyn ydysqa túsip ketip, oqıǵa ornynda kóz jumdy, dep habarlaıdy QazAqpara tilshisi.

Qyzylorda oblystyq polıtsııa departamenti baspasóz qyzmetiniń málimetterine qaraǵanda, oqıǵa jergilikti munaı óndirý kompanııasynyń óndiris ornynda boldy. Al mert bolǵan adam sol kompanııada munaı óndirý operatory bolyp jumys istegen.

«Syrdarııa aýdanynyń polıtsııa bólimi atalǵan derek boıynsha QR Qylmystyq kodeksiniń 156-babynyń 3-bóligimen qylmystyq isti sotqa deıingi tergep-tekserýdiń biryńǵaı tizilimine tirkedi. Qazirgi tańda oqıǵanyń mán-jaıy naqtylanyp jatyr. Qylmystyq–protsestik kodekstiń 201-babynyń talaptaryna sáıkes basqa derekter jarııalaýǵa jatpaıdy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada órt birneshe turǵyn úıge zalal keltirgeni habarlandy.