Qyzylordada 20 tarıhı eskertkish qaıta jańǵyrtýdan ótti

QYZYLORDA. QazAqparat - Qyzylorda oblysynda tarıhı jáne mádenıet eskertkishterin qalpyna keltirý, zertteý, qorǵaý jáne nasıhattaý baǵytynda nátıjeli jumystar atqarylyp keledi, dep habarlaıdy QazAqparat tilshisi.

Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda tarıhı muralardy saqtaý máseleleri atap kórsetilgen.

Syr óńirinde 2013 jyldan beri oblys basshylyǵynyń qoldaýymen tarıhı-mádenı muralaryn qorǵaý jáne paıdalaný jónindegi ǵylymı-ádistemelik keńes jumys jasaıdy. Nátıjesinde alty jylǵa jýyq ýaqyttan beri aımaqta tarıh jáne mádenıet eskertkishterin qaıta qalpyna keltirý, zertteý, qorǵaý, nasıhattaý baǵytynda aýqymdy jumystar atqaryldy.

«Esepti merzimde oblys kóleminde 20 eskertkish qaıta jańǵyrtýdan ótti. Onyń ishinde Qorqyt ata eskertkish kesheni, oblystyq áskerı komıssarıattyń shaqyrý pýnkti, oblystyq tarıhı-ólketaný mýzeıi, Qalqaı ıshan kesenesi, Qaljan ahýn meshit-medresesi, Myrzabaı ahýn jerleý kesheni, Baýyrlastar beıiti, Á.Moldaǵulova, Á.Egizbaev, S.Qojanov, T.Júrgenov, Z.Shúkirov, Y.Altynsarın músinderi oblystyq bıýdjet esebinen júrgizildi. Al A.Toqmaǵambetov atyndaǵy mádenıet ortalyǵy, Saıası-qýǵyn súrgin qurbandaryna arnalǵan eskertkish qalalyq bıýdjet esebinen júzege asty. Sondaı-aq, Maral ıshan kesenesi Qarmaqshy aýdandyq bıýdjeti esebinen júrgizildi. 2017-2018 jyldary «Týǵan jerge taǵzym» aktsııasy aıasynda demeýshilik esebinen 4 eskertkish qaıta qalpyna keltirildi», - deıdi oblystyq mádenıet, arhıvter jáne qujattama basqarmasynyń basshysy Mıra Ábýova.

Basqarma basshysynyń aıtýynsha, oblys boıynsha jedel qaıta jańǵyrtýdy qajet etetin arhıtektýrasy erekshe 11 kesene men munara bar. Sonymen qatar, osyndaı 62 eskertkish qaıta jańǵyrtý jáne konservatsııalaýdy qajet etedi. Bul eskertkishterdiń jaı-kúıine tarıhı-mádenı saraptama jasalǵan. Osy rette, kezeń-kezeńimen qarjy bólý máselesi týyndap tur.

Buǵan deıin Qyzylorda oblysynda 4 jyr mektebi ashylǵany habarlanǵan bolatyn.