Qyzylordada 20,6 myń adam koronavırýs vaktsınasyn saldyrdy
QYZYLORDA. QazAqparat - Qyzylorda oblysynda 19 sáýirge deıin 20 646 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Óńirde qaterli indetke qarsy ekpe qabyldaý aqpan aıynyń alǵashqy kúninen bastaldy.
Oblysta barlyǵy 19 ekpe kabıneti iske qosylǵan. Onyń 8-i qalada, 11-i aýdandarda qyzmet kórsetedi. Budan bólek, 4 kóshpeli egý brıgadasy jumys jasaıdy.
Immýndaý sharalary júrgizilip jatqan ekpe kabınetteri tıisti temperatýralyq rejımi bar qajetti tońazytqysh jabdyǵymen, termokonteınermen tolyq qamtamasyz etilgen.
«Nátıjesinde búginge deıin oblysta 20 646 adam koronavırýsqa qarsy vaktsına saldyrdy. Al ótken táýlikte atalǵan tizimge 915 adam engizildi. Barlyǵy avtorızatsııalaýdyń biryńǵaı tetigi arqyly «Densaýlyq saqtaýdyń birińǵaı aqparattyq júıesine» engizildi. Ekpe alǵan turǵyndar dárigerler baqylaýynda, densaýlyǵyna qatysty shaǵymy joq», - dep málim etti Qyzylorda oblysy ishki saıasat basqarmasynan.
Eske salsaq, Qyzylordada medıtsına qyzmetkerleri arasynda COVID-19 juqtyrý kórsetkishi azaıdy.
