Qyzylordada 2 jastaǵy sábı koronavırýs juqtyrdy

QYZYLORDA. QazAqparat - Qyzylordada 2 jastaǵy sábıge koronavırýs ınfektsııasy dıagnozy qoıyldy, dep habarlaıdy QazAqparat tilshisi.

Qazir Qyzylorda oblysynda qaterli indetti juqtyrǵan 231 adam bar.

Olardyń arasynan 165 adam emdelip shyqty.

«Jańadan anyqtalǵan naýqas - 2 jasar bala. Ol koronavırýs ınfektsııasymen naýqastanǵan otbasy múshesinen juqtyrǵan. Sońǵy táýlikte barlyǵy 813 zerthanalyq synama alynsa, onyń 805 synamasy teris mándi boldy. Bireýi - oń mándi bolsa, jeteýi - zerttelý ústinde. Qaldyq test - 4300», - dedi oblystyq densaýlyq saqtaý basqarmasynyń basshysy Jaqsylyq Abdýsametov.

Sondaı-aq, indet juqtyrǵandarmen baılanysta bolǵan– 3270 azamat anyqtaldy. Onyń ishinde, 1798-i jaqyn qarym-qatynasta, 1472-si janama baılanysta bolǵan.