Qyzylordada 2 jasar sábı ekinshi qabattan qulap ketti

QYZYLORDA. QazAqparat - Qyzylorda qalasyndaǵy kóp qabatty úıdiń ekinshi qabatynan 2 jastaǵy sábı qulap ketti, dep habarlaıdy QazAqparat tilshisi.

Oqys oqıǵa oblys ortalyǵyndaǵy «Shuǵyla» móltek aýdanynda boldy. Ata-ana baqylaýynsyz qalǵan sábı ekinshi qabattaǵy terezeden qulap ketti.

«Ol oblystyq balalar aýrýhanasyna jatqyzyldy. Jaǵdaıy aýyr dep baǵalanyp otyr», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Jyl basynan beri dál osyndaı úshinshi jaǵdaı tirkelip otyr. Byltyr 7 jaǵdaı tirkelip, 1 bala qaza tapqan.

Bıyl mamyr aıynda Qyzylordada eki jastaǵy sábı úshinshi qabattan qulap ketken bolatyn.