Qyzylordada 2 mıllıonǵa jýyq qaǵaz qujat tsıfrlyq júıege kóshirildi
Oblystyq ámbebap ǵylymı kitaphana dırektory Nurjamal Myrzamuratovanyń aıtýyna qaraǵanda, qazirgi kúni oblys kitaphanalaryndaǵy 4 590 basylymnyń barlyǵy derlik tsıfrlyq formatqa kóshirilgen.
«Syr óńirinde osyndaı ýaqyt talabyna saı birqatar bastama qolǵa alyndy. Tipti tanymal tulǵalardyń shyǵarmalaryn uıaly telefonǵa júktep alyp oqýǵa bolady. Al aýyldyq kitaphanalarda onlaın-ortalyq jobasy iske qosyldy. Osylaısha shalǵaıdaǵy jurttyń jedel aqparat alý múmkindigi artyp otyr. Munan bólek oblystyq ámbebap ǵylymı kitaphanada jastardy IT tehnologııaǵa baýlý sabaǵy tegin ótkizilýde»,-deıdi N. Myrzamuratova.
Budan bólek jumyssyz jastarǵa jáne ál-aýqaty tómen áljýaz otbasylarǵa arnalǵan ıntellekt ortalyǵy qyzmet etedi. Bul jerde 18-35 jas aralyǵyndaǵy jastar kompıýterlik saýattylyqtaryn arttyrýǵa múmkindik alady.