Qyzylordada 1901 jyly jasalǵan saǵat áli toqtamaı júrip tur
QYZYLORDA. QazAqparat - Qyzylorda oblystyq tarıhı-ólketaný mýzeıiniń «Aqmeshit» fılıalynda 2000-ǵa tartý qundy jádigerler saqtaýly tur. Solardyń biri - jasalǵanyna bir ǵasyrdan astam ýaqyt ótken «Le Roi a Paris» saǵaty. Frantsýz tilinen aýdarǵanda «Parıj patshasy» degen maǵynany bildiretin bul jádigerdiń paıdalanylyp kele jatqanyna bıyl 117 jyl tolyp otyr, dep habarlaıdy QazAqparat tilshisi.
Saǵat áli kúnge deıin toqtamastan júrip tur. Ony mýzeıge Qyzylorda qalasynyń turǵyny tabys etken. Saǵat erekshe sheberlikpen qurastyrylǵan. Búginge deıin tolyq saqtalǵan. Kádimgi úı jıhazdary sekildi alystan kózge túsetin asyl dúnıe óte muqııat jasalǵany ańǵarylady.
«Bizdiń qolymyzdaǵy derekter boıynsha bul buıym 1901 jyly jasalǵany belgili. Saǵat oblystyq tarıhı-ólketaný mýzeıi qoryna 2003 jylǵy 20 maýsymda tirkeýge alynǵan. 2004 jyldyń 15 jeltoqsanynan bastap bul saǵat qundy ári sırek jádiger retinde bizdiń mýzeıdiń ekspozıtsııasyna qoıyldy»,- deıdi fılıal meńgerýshisi Kenjegúl Ahmetova.
Saǵatty jasaýshylar shıkizat retinde qyzyl aǵashty qoldanǵan. Saǵattyń bıiktigi - 1 metr, eni - 36 santımetr.
Mundaı dúnıeler ótken ǵasyrdyń alǵashqy kezeńinen bastap Germanııada shyǵaryla bastaǵan.
Avtory: Ádiljan Úmbet
