Qyzylordada 18 mamyrdan bastap bazarlar ashylady
QYZYLORDA. QazAqparat - Qyzylorda oblysynda 18 mamyrdan bastap azyq-túlik emes taýarlar satatyn dúkender men bazarlardyń jumys isteýine ruqsat etildi, dep habarlaıdy QazAqparat tilshisi.
Qyzylorda oblysy boıynsha 18 mamyrdan bastap karantınniń keıbir máselelerine ózgertýler men tolyqtyrýlar enedi. Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Álııa Ábdiqaıymova málimdedi.
«Búgingi epıdemıologııalyq ahýaldy eskere otyryp, kezeń-kezeńimen salalar men mekemelerdi jumysqa qosýdamyz. Degenmen qyzmet barysynda sanıtarlyq-dezınfektsııalyq sharalary qatań saqtalyp, jumys barysy shekteýli ýaqytqa ǵana ruqsat etiledi.
Tórtinshi kezeńge, ıaǵnı 18 mamyrdan bastap qosymsha nysandar qosyldy. Olar lombardtar, azyq-túlik emes taýarlar satatyn dúkender, bazarlar, qoǵamdyq tamaqtaný oryndary, qonaq úıler. Sonymen qatar, týrıstik, avıa, temirjol kassalary, dinı qulshylyq jasaý oryndary da iske qosylady», - dedi Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Álııa Ábdiqaıymova.
