Qyzylordada 17 jastaǵy jigit tirideı janyp ketti
ASTANA. QazAqparat - Qyzylordada jantúrshigerlik oqıǵa boldy. Qaladaǵy bazar mańynda konteınerdiń ishinde qalyp qoıǵan 17 jastaǵy jigit tirideı janyp ketken, dep habarlaıdy QazAqparat tilshisi.
Tótenshe jaǵdaılar qyzmetkerleriniń aıtýynsha, tún ortasynda otqa oranǵan konteınerdiń ishinde aǵaly-inili eki jigit uıyqtap jatqan. Tilsiz jaýdy birden aýyzdyqtaýǵa kirisken órt sóndirýshiler, konteıner ishinde bolǵandardyń bireýin ǵana aman alyp shyqty. Al qutqarylǵan azamattyń 17 jastaǵy inisi jalyn ortasynda qaza bolǵan. Órimdeı jas jigittiń ómirin jalmaǵan konteıner ornalasqan bazar mańyndaǵy mekemede búginde adam joq. Alaıda sol órtti óz kózimen kórgen turǵyn oqıǵadan qatty shoshynyp qalǵanyn aıtady. Al tótenshe jaǵdaılar qyzmetindegiler sońǵy ýaqytta baspanalarda jáne adam túneıtin jerlerde dál osyndaı oqıǵalardyń jıilep ketkenin aıtady.
«Býdka ishinde órt kezinde adam qalyp qoıǵan. Bir adam qaza boldy. Bizden úsh tehnıka jumyldyrylyp, 11 adam órtti sóndirýge qatysty», - dedi Qyzylorda oblysy tótenshe jaǵdaılar departamentiniń bas mamany Aspandııar Saparǵalıev.
Mamandar «temir konteınerdiń ishi mamyq shúberekpen qaptalǵandyqtan tutanǵan tilsiz jaý tez arada úlken jalynǵa ulasqan» degen boljam aıtady.
