Qyzylordada 17 jastaǵy jasóspirim urlyq ústinde qolǵa tústi

QYZYLORDA. QazAqparat - Qyzylordada qalanyń 17 jáne 21 jastaǵy turǵyndary páter urlyǵy ústinde qolǵa tústi, dep habarlaıdy QazAqparat tilshisi.

Qyzylorda qalalyq polıtsııa basqarmasynyń krımınaldy polıtsııa bóliminiń qyzmetkerleri jedel-profılaktıkalyq shara barysynda páter urylaryn ustady. Tergeý barysynda olardyń 5 urlyq jáne 3 tonaý qylmysyna qatysy bar ekendigi anyqtaldy. Olardyń qylmystary tolyq dáleldendi. Zattaı dáleldeme retinde urlanǵan birneshe zat alynyp, jábirlenýshi azamattarǵa qaıtaryldy.

«Barlyq derekter boıynsha QR Qylmystyq Kodeksiniń 188-babynyń 3-bóligi (urlyq) jáne 191-baby (tonaý) boıynsha sotqa deıingi tergep-tekserý amaldary júrgizilýde. Kúdiktiler ýaqytsha ustaý abaqtysyna qamaldy», - dep málim etti Qyzylorda oblystyq polıtsııa departamentiniń baspasóz qyzmeti.