Qyzylordada 17 jastaǵy jasóspirim qyz tórt kúnnen beri tabylmaı jatyr
Polıtsııaǵa 7 shildede azanǵy saǵat 9.00 shamasynda Qyzylorda qalasy Amangeldi kóshesiniń turǵyny Azalııa Mıngataevanyń joǵalǵandyǵy týraly aryz tústi. Ol 2004 jyldyń 4 mamyrynda dúnıege kelgen.
«Ata-anasynyń aıtýynsha, 17 jastaǵy jasóspirim 6 shildede kúndizgi ýaqytta úıinen shyǵyp ketip, sodan qaıta oralmaǵan. Erekshe belgileri: Boıy 160-165 sm, aryq deneli, shashy qara tústi. Kıgen kıimderi: qyzyl tústi fýtbolka men beldemshe, aq krosovka. Joǵalǵan jasóspirim týraly qandaı da bir aqparat anyqtalǵan jaǵdaıda Qyzylorda oblysy Polıtsııa departamentine, Qyzylorda qalalyq Polıtsııa basqarmasyna shuǵyl túrde habarlasýlaryńyzdy suraımyz. Baılanys nómirleri: 8(7242) 29-70-10, 29-75-20, 29-75-07 jáne 102 arnasy», - dep jazylǵan oblystyq polıtsııa departamenti taratqan habarlamada.
Eske salsaq, budan buryn Qyzylordada 8 aı buryn joǵalyp ketken áıeldiń máıiti tabyldy.