Qyzylordada 17 kásipkerlik nysan Ashyq jobasynan ýaqytsha shettetildi

QYZYLORDA. QazAqparat - Qyzylorda oblysynda 17 kásipkerlik nysan Ashyq jobasynan ýaqytsha shettetildi, dep habarlaıdy QazAqparat tilshisi.

Bul týraly Qyzylorda oblysy kásipkerler palatasynyń dırektory Ǵalymbek Jaqsylyqov aıtty.

«Qazir elimizde epıdemıologııalyq jaǵdaı kúrdeli bolyp ekeni belgili. Qyzylorda oblysy qazir «sary» aımaqta tur. Óńirde karantındik shekteýler bolsa da kásipkerlerdiń jumys jasaýyna barynsha múmkindik jasalǵan. Elimizde qoldanysqa engizilgen «Ashyq» jobasy boıynsha oblysta 294 kásipkerlik nysannyń ótinishi negizinde olarǵa arnaıy QR kod berilgen. Osy oraıda kásipkerler qoıylǵan talaptardy tolyq oryndaýy tıis. Dese de keıbir kemshilikterge jol bergen 17 kásipkerlik nysannyń QR kody deaktıvatsııalandy. Sebebi kásipkerler kelýshilerdiń mártebesin teksermegen. ıAǵnı «chekın» atalmysh nysandarda múldem júrgizilmegen. Sol úshin olar ázirge 2 aptaǵa jobadan shettetildi», - deıdi palata dırektory.

Onyń aıtýynsha, jumys algorıtmin 3 ret buzǵan qatysýshy 2 aıdan erte jobaǵa qaıta oralmaıdy. Ol monıtorıng toby usynǵan málimet boıynsha júzege asady.

Búginde óńirde 294 nysannyń ishinde 22-si komıssııa sheshimimen «kóshbasshy» mártebesin alǵan.

Bul mártebe kásipkerlik nysannyń qyzmetin kelýshiler tarapynan turaqty chekın (joba aıasynda statýsyn tekserý) jasalǵandyqtan berilgen.