Qyzylordada 16 toıhana qyzmetin basqa baǵytqa aýystyrdy
QYZYLORDA. QazAqparat - Qyzylorda oblysynda 16 toıhana qyzmetin basqa baǵytqa aýystyrdy, dep habarlaıdy QazAqparat tilshisi.
Aral aýdanyndaǵy «Hanshatyr» toıhanasy bıylǵy aqpan aıynan bastap «Almaty sıtı» aralas saýda ortalyǵy retinde jumys júrgizedi. Kásipker Ǵazız Kamalov oyslaısha 16 adamdy turaqty jumyspen qamtyp otyr. Saýda ortalyǵynda aýdan turǵyndaryna qajetti barlyq kıim-keshek, balalarǵa arnalǵan oıynshyqtar, ydys-aıaq pen turmystyq zattar satylady.
Qazaly aýdanyndaǵy «Raý Ilıa» toıhanasy «Múslim» qoǵamdyq tamaqtaný ornyna bet burǵan. Bul qoǵamdyq tamaqtaný ornynyń bir ereksheligi ulttyq naqyshta jabdyqtalǵan. Júz adamdyq tamaqtaný ornynda kásipker 15 adamdy jumyspen qamtyp otyr. Sondaı-aq, «Alataý» meıramhanasy da osy jyldyń naýryz aıynan bastap sýper marketke baǵyttalyp, jumysyn jalǵastyrýda.
«Mundaı oryndardyń oblystyń Aral, Qazaly, Qarmaqshy aýdandarynda jáne Qyzylorda qalasynda tirkelgen. Atap aıtqanda, Aralda - 4, Qazalyda -5, Qarmaqshyda - 6, Qyzylordada - 1 toıhana qyzmetin basqa baǵytqa aýystyrdy», - dep málim etti Qyzylorda oblystyq kásipkerlik jáne týrızm basqarmasynan.
Esterińizge sala ketelik, sońǵy kúnderde Qyzylordada koronavırýs juqtyrǵandar sany artty.
