Qyzylordada 16 adam koronavırýsty qarym-qatynas arqyly juqtyrǵan
QYZYLORDA. QazAqparat - Qyzylorda oblysynda búgin, 27 naýryzda, koronavırýsqa shaldyqqan naýqastardyń basym bóligi qarym-qatynas arqyly juqtyrǵany anyqtaldy, dep habarlaıdy QazAqparat tilshisi.
Aıta keteıik, 27 naýryzda óńirde 24 adam koronavırýs ınfektsııasyn juqtyrǵan. Olardyń 20-sy Qyzylorda qalasynda turatyn bolsa, aýdandar boıynsha Qarmaqshyda - 1, Aralda - 3 derek tirkelgen.
«Koronavırýs juqtyrǵan naýqastardyń 8-inde aýrýdyń klınıkalyq belgisi baıqalsa, qalǵanynda ol sımptomsyz bolyp otyr. Aıta keterligi, 16 adam da koronavırýs ınfektsııasymen aýyrǵan naýqastarmen qarym-qatynasta bolǵan. Al 2 adamnan profılaktıkalyq tekserý barysynda, 6-aýynan epıdemıologııalyq kórsetkish boıynsha PTR testileý kezinde anyqtaldy», - dep málim etti Qyzylorda oblysy sanıtarlyq-epıdemıologııalyq baqylaý departamentiniń baspasóz qyzmetinen.
Esterińizge sala ketelik, óńirde 3983 adamnan koronavırýs anyqtalǵan. Onyń ishinde 3885 adam dertinen aıyqty.
Budan buryn Qyzylordada karantın talabyn saqtamaǵan 6 otbasylyq toı toqtatylǵan bolatyn.
