Qyzylordada 15 jastaǵy jasóspirim sýǵa batyp ketti

QYZYLORDA. QazAqparat - Qyzylorda qalasyna saıajaıdyń birinde ruqsat etilmegen aýmaqta 15 jastaǵy qyz bala sýǵa ketti, dep habarlaıdy QazAqparat tilshisi.

Ol keshkilik ýaqytta sýǵa túsken. Degenmen qaýipsizdik erejesin saqtamaý saldarynan tilsiz jaýdyń qurbany boldy. Tótenshe jaǵdaılar departamentine qarasty sýdan qutqarý qyzmetiniń mamandary onyń jansyz denesin jaǵaǵa alyp shyqty.

Osyndaı oqıǵa Jańaqorǵan aýdany aýmaǵynda oryn alǵan. Jer asty sýymen tolǵan karerge sýǵa túsken 1960 jylǵy azamat batyp ketti. Áriptesteri onyń jansyz denesin jaǵaǵa shyǵardy.

Jyl basynan beri oblys aýmaǵynda sý aıdyndarynda 17 qaıǵyly oqıǵa tirkelgen. Onyń ishinde beseýi balalar.

«Oblystyń sý aıdyndarynda, ásirese, Syrdarııa ózeninde jylda azamattardyń ártúrli sebeptermen qaıǵyly jaǵdaılarǵa ushyraýy oryn alyp jatady. Sýda adamdardyń qaza bolýynyń negizgi sebebi - qaýipsizdik erejelerin óreskel buzýy. Atap aıtsaq, ózen nemese kanaldardyń kez kelgen ári zerttelmegen aǵysy jyldam, tereń, jaǵalary tik jar jerlerine sýǵa túsýi, balalardyń eresekterdiń baqylaýsyz sý jaǵasyna barýy men sýǵa túsýi, olardyń júze bilmegendigi qaıǵyly oqıǵalarǵa ákelip soqtyrýda»,- dedi «Ońtústik óńirlik aeroutqyr jedel qutqarý jasaǵy» memlekettik mekemesiniń basshysy Baqyt Embergenov.

Budan buryn Qyzylordada 55 jastaǵy azamattyń sýǵa batyp ketkenin habarlaǵan edik.