Qyzylordada 15 jastaǵy jasóspirim kanalǵa sýǵa batyp ketti

QYZYLORDA. QazAqparat - Qyzylorda oblysynda 15 jastaǵy jasóspirim kanalǵa sýǵa batyp ketti, dep habarlaıdy QazAqparat tilshisi.

Oqıǵa búgin Aral aýdanyna qarasty Qaratereń eldi mekeni aýmaǵynda ornalasqan Tasaryq kanalynda boldy. Bul jóninde habarlama tótenshe jaǵdaılar salasyna saǵat 17.35 shamasynda túsken.

«Jasóspirim ruqsat etilmegen orynda shomylǵan. Onyń jansyz denesi týysqandarynyń kómegimen sýdan shyǵarylǵan», - dep málim etti oblystyq Tótenshe jaǵdaılar departamenti Órt sóndirý jáne avarııalyq qutqarý jumystary qyzmetinen.

Eske salsaq, Qyzylorda oblysynda búginge deıin jyl basynan beri sý aıdyndarynda 15 adam qaza bolǵan. Olardyń arasynda 9-y kámelet jasqa tolmaǵandar. Byltyr dál osy kezeńde 12 adam kóz jumsa, olardyń 4-i bala.