Qyzylordada 14 jastaǵy jasóspirim sýǵa batyp ketti
2005 jyly týǵan bala Qaraózek stansasyndaǵy №128 negizgi mektepte 7 synypta oqıdy. Dál osyndaı jaǵdaı Baıqońyrda da tirkeldi. Bul qaladaǵy №272 mekteptiń 2 synyp oqýshysy Syrdarııa ózeniniń ruqsat etilmegen aýmaǵynda sýǵa túsip, tilsiz jaýdyń qurbanyna aınaldy.
Qyzylorda oblysynda jyl basynan beri 5 adam sýǵa ketken. Onyń ekeýi bala. Byltyr dál osyndaı jaǵdaıdan 22 adam kóz jumǵan. Oblystyq tótenshe jaǵdaılar departamentiniń basshysy Omar Berjanovtyń aıtýynsha, qaýipsizdik erejeleri saqtala bermeıdi. Eresekter balalardy baqylaýsyz qaldyrady. Sondaı-aq, oblysta talapqa saı keletin jaǵajaılar sanaýly. Onyń biri Shıeli aýdany aýmaǵynda tirkelse, qalǵan ekeýi Qyzylorda qalasynda ornalasqan.
Oblys basshylyǵy tarapynan mundaı keleńsiz jaǵdaılardyń aldyn alý baǵytynda tıisti basqarmalar men jergilikti ákimderge qaýipsizdik sharalaryna qatań kóńil bóliný qajettigi mindetteldi.