Qyzylordada 14 jastaǵy jasóspirim kanalǵa sýǵa batyp ketti
QYZYLORDA. QazAqparat - Qyzylordada 14 jastaǵy jasóspirim kanalǵa sýǵa batyp ketti, dep habarlaıdy QazAqparat tilshisi.
Oqıǵa 26 mamyrda saǵat 17.07 shamasynda boldy. Qyzylorda qalasyna qarasty Tasbóget kentinde turatyn 2007 jyly dúnıege kelgen jasóspirim arnaıy belgilenbegen orynda sýǵa túsken.
«Oqıǵa ornyna oblystyq tótenshe jaǵdaılar departamenti jáne oǵan qarasty mekemelerden 40-qa jýyq mamandar qajetti tehnıkalarmen keldi. Oqıǵa ornyna polıtsııa da keldi. Jasóspirimniń denesi jaǵaǵa shyǵaryldy», - dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.
Eske salsaq, Qyzylordada kanaldaǵy sýǵa batyp ketken balanyń denesi eki kúnnen beri izdestirilýde.
