Qyzylordada 14 shaqyrym jylý júıesin qaıta jańǵyrtý jumystary júrgizildi

QYZYLORDA. QazAqparat – Qyzylorda oblysynyń ákimi Gúlshara Ábdiqalyqova óńirdegi buqaralyq aqparat quraldary ókilderimen kezdesýinde jylý berý maýsymyna qatysty atqarylyp jatqan jumystar týraly baıandady, dep habarlaıdy QazAqparat.

Ákimniń aıtýynsha, aımaqta aldaǵy jylý berý maýsymynda 1185 áleýmettik sala nysandaryna 39,5 myń tonna qatty jáne 26 myń tonna suıyq otyn, al jergilikti turǵyndarǵa 163,6 myń tonna kómir qajet.

«Qala jáne aýdan turǵyndary úshin kómir baǵasynyń ósýine jol bermeý maqsatynda kómir óndiretin kásiporyndarmen tikeleı kelisimshart jasalýda. Qazirgi kezde kommýnaldyq kásiporyndardyń jóndeý jumystary 66%-ǵa, áleýmettik sala nysandary 81%-ǵa daıyn. Sondaı-aq, ortalyqtandyrylǵan jylý júıesine qosylǵan kóp qabatty turǵyn úılerdiń daıyndyǵy búginde 70%-dy quraıdy»,-dedi Gúlshara Ábdiqalyqova.

«Nurly jer» jáne «Jumyspen qamtýdyń jol kartasy» baǵdarlamalary boıynsha Qyzylorda qalasynda 14 shaqyrym jylý júıelerin qaıta jańǵyrtý jumystary iske asyryldy. Sondaı-aq, oblys boıynsha 19 áleýmettik nysannyń jylý qazandyqtaryn gaz otynyna beıimdeý jumystary júrgizilýde.