Qyzylordada 14 sáýirge deıin 10684 turǵynǵa vaktsına jasaldy
Óńirge koronavrýske qarsy egiletin 16 100 doza «Spýtnık-V» vaktsınasynyń birinshi, 15 100 doza ekinshi komponentti jetkizildi.
Oblysta barlyǵy 19 ekpe kabıneti iske qosylǵan. Onyń 8-i qalada, 11-i aýdandarda qyzmet kórsetedi. Budan bólek, 4 jyljymaly egý brıgadalary jumys jasaıdy. Immýndaý sharalary júrgizilip jatqan ekpe kabınetteri tıisti temperatýralyq rejımi bar qajetti tońazytqysh jabdyǵymen, termokonteınerlermen tolyq qamtamasyz etilgen.
«Monıtorıng qorytyndysymen 14 sáýirge deıin 10684 turǵynǵa birinshi komponentpen vaktsına jasaldy. Búginde medıtsınalyq qyzmetkerler arasynlda koronavırýs ınfektsııalary aýqymdy tómendep keledi. Onyń birden bir sebebi -vaktsınatsııa. Eske sala keteıik, oblysta medıtsına qyzmetkerleri koronavırýs ınfektsııasyna qarsy vaktsınatsııamen 1 aqpannan bastap ekpemen qamtyldy», - dep málim etti oblystyq sanıtarııalyq-epıdemıologııalyq baqylaý departamentinen.
Oblysta koronavırýs ınfektsııasyn zertteýge arnalǵan 10 laboratorııa bar. Onyń bir kúndik qýattylyǵy 3420 analızdi quraıdy. Jyl basynan beri onda 102 601 analız jasaldy.
Eske salsaq, Qyzylordada karantın talabyn buzǵandarǵa 11 mln teńge aıyppul salyndy.