Qyzylordada 14 modýldik polıtsııa beketteri táýlik boıy qyzmet atqarady
Qyzylorda oblysy Polıtsııa departamentiniń bastyǵy polıtsııa polkovnıgi Bektóre Sultan memlekettik organdardyń ókilderi qatarynan vedomstvoaralyq jobalaý tobymen kezdesti. Atalmysh top qoǵamdyq qaýipsizdikti qamtamasyz etýdiń servıstik tásilderin kezeń-kezeńimen engizý maqsatynda qurylǵan. Polıtsııanyń servıstik modeli bul bılik organdaryna degen senim men qorǵalý deńgeıin arttyrý maqsatynda qaýipsizdikti qamtamasyz etý máselesin sheshý boıynsha polıtsııanyń, aldyn alý sýbektileriniń jáne jurtshylyqtyń birlesken qyzmeti retinde qarastyrylǵan. Ol azamattardyń polıtsııamen baılanysyn jáne polıtsııaǵa qol jetkizýin barynsha jeńildetýge baǵyttalǵan.
«Polıtsııa qyzmetiniń basym baǵyttarynyń biri - halyqpen jumys isteýdiń servıstik modeline kóshý jáne ony ári qaraı jetildirý. Polıtsııa qoǵammen tyǵyz baılanysta bolady, halyqtyń, árbir turǵynnyń pikiri eskerilip, birlesken túrde belsendi jumys atqarylady. Polıtsııa ınstıtýty servıstik model negizinde damyp keledi. Servıstik polıtsııa halyqaralyq tájirıbede azamattarǵa sapaly polıtsııa qyzmetterin kórsetýge jáne qaýipsizdik máselelerin sheshýge baǵyttalǵan polıtsııa qyzmetine kózqaras. ıAǵnı, polıtsııa azamattardyń máselelerin sheshetin jáne kómektesetin qyzmet bolmaq» dedi kezdesý barysynda Departament bastyǵy.
Servıstik polıtsııany damytýda táýlik boıy jumys isteıtin «102» mobıldi qosymshasy iske qosylǵan. Oblys ortalyǵynda adamdar kóp shoǵyrlanatyn aımaqtarda 14 modýldik polıtsııa beketteri qoıylǵan. Bul polıtsııa beketteri táýlik boıy qyzmet atqarýda. Atalǵan oryndar barlyq qajetti zamanaýı jabdyqtarmen jabdyqtalǵan.
