Qyzylordada 14 mal urlyǵy qylmysynyń beti ashyldy

QYZYLORDA. QazAqparat - Qyzylordada polıtsııa qyzmetkerleri «Mal urysy» jedel-profılaktıkalyq is-sharasy barysynda oblys boıynsha 14 mal urlyǵy qylmysyn ashty, dep habarlaıdy QazAqparat tilshisi.

Atalmysh sharany Qyzylorda oblysynyń polıtsııa departamenti, qalalyq polıtsııa basqarmasynyń qyzmetkerleri veterınarııa basqarmasynyń ókilderimen birlese otyryp uıymdastyrdy. Shara aıasynda maldardy qujatsyz ákelý, mal soıýǵa jáne et satýǵa arnalǵan sertıfıkattyń joqtyǵyn anyqtaý baǵytynda jumystar júrgizildi.

«Osyǵan qaraı, barlyq saýda ortalyqtary jáne basqa da et pavılondary men mal soıý beketteri tekserildi. Іs-shara aıasynda oblys boıynsha 14 mal urlyǵy ashyldy. Búgingi tańda oblys jáne qala aýmaǵynda barlyq mal soıý men et bólýge arnalǵan jerlerde beınebaqylaý kameralary ornatyldy. Mal urlyqtarynyń aldyn alý úshin qujatsyz mal basyn tasymaldaıtyn 245 kólik quraldary tekserildi. Olardyń ishinde 38-i mal tasymaldaýmen aınalysqan», - dep málim etti Qyzylorda oblysy Polıtsııa departamentiniń baspasóz qyzmeti.