Qyzylordada 13 jasar qyz koronavırýs ınfektsııasyn juqtyrdy

QYZYLORDA. QazAqparat - Qyzylorda oblysynda Atyraýdan kelgen eki adamnan koronavırýs ınfektsııasy anyqtaldy, dep habarlaıdy QazAqparat tilshisi.

Búgin Qyzylorda oblysynda oronavırýs ınfektsııasyn juqtyrǵan 11 adam tirkeldi. Onyń 9-y - Qyzylorda qalasynyń, ekeýi - Qazaly aýdanynyń turǵyndary. Naýqastardyń eń úlkeni 1951 jylǵy er adam bolsa, eń jasy - 2007 jyly týǵan qyz bala.

«Budan buryn juqtyrǵan naýqaspen qarym-qatynasta bolýyna baılanysty 7, QR Bas memlekettik sanıtarlyq dárigeriniń qaýlysyna sáıkes qaýipti toptardy skrınıngteý barysynda - 2, Atyraýda vahtalyq ádispen jumys isteıtin 2 adamnan vırýs anyqtaldy. Qazirgi tańda patsıentter aýrýhanaǵa oqshaýlandyrylyp, hattamaǵa sáıkes em qabyldaýda», - dep málim etti Qyzylorda oblystyq taýarlar men qyzmetterdiń sapasy men qaýipsizdigin baqylaý departamenti.

Qazir Qyzylorda oblysynda koronavırýs ınfektsııasyn juqtyrǵan 266 adam tirkelgen. Onyń ishinde 216 adam emdelip shyqty.