Qyzylordada 13 márte urlyq jasaǵan kúdikti qolǵa tústi
Ol byltyr 17 qarashadan bastap bıylǵy tamyz aıynyń ortasyna deıin birneshe márte urlyq jasaǵan. Bul turǵyda jergilikti turǵyndar birneshe márte shaǵym túsirgen edi. Atalmysh shaǵymdar avtoturaq, úı, dúken, avtokólik, qoımadan urlanǵan zattarǵa baılanysty túsken. Belgisiz adam esik qulpyn buzyp akkýmýlıator, uıaly telefon, noýtbýk, altyn buıymdardy qoldy etken. Sodan keıin oqıǵa orynan boı tasalaǵan.
«Urlyq kúndizgi jáne túngi ýaqytta, úı ıeleri bolmaǵan nemese uıyqtap jatqan kezde jasalǵan. Jábirlenýshilerge shamamen 1,5 mıllıon teńge kóleminde materıaldyq shyǵyn kelgen. Polıtsııa qyzmetkerleri jedel is-sharalaryn júrgizdi. Nátıjesinde kúdikti ustalyp, ýaqytsha ustaý ızolıatoryna qamaqqa alyndy. Ol shalǵaıdaǵy aýyldardyń birinde qolǵa tústi. Tergeý barysynda kúdiktiniń aýdanda jasalǵan osy tektes 13 qylmysqa qatysy bar ekeni dáleldendi. Barlyq derekter boıynsha QR Qylmystyq kodeksiniń 188-baby 3-bóliginiń 2-tarmaǵyna sáıkes sotqa deıingi tergep-tekserý júrgizilýde», - dep málim etti Qyzylorda oblystyq polıtsııa departamentinen.
Budan buryn Qyzylordada kásipkerge qaraqshylyq shabýyl jasalǵanyn habarlaǵan edik.