Qyzylordada 126 oqý synyby 14 kúnge karantınge jiberildi

QYZYLORDA. QazAqparat - Qyzylorda oblysynda jańa oqý jylynda 126 oqý synyby 14 kúnge karantınge jiberildi, dep habarlaıdy QazAqparat tilshisi.

Óńirde jańa oqý jylynda oqýdy dástúrli formatta bastaǵan 126 bala koronavırýs ınfektsııasyn juqtyrdy. Basym bóligi qala mektepterinde anyqtalǵan. Saldarynan 126 oqý synyby 14 kúnge karantınge jiberildi.

Sondaı-aq dástúrli formatta oqý protsesin bastaǵan mektep muǵalimderi arasynda KVI-diń 17 jaǵdaıy esepke alynǵan. Olarǵa epıdemııaǵa qarsy barlyq sharalar oryndalǵan.

«Oblysta karantın talaptarynyń saqtalýyna monıtorıng júrgizý jalǵasýda. Aǵymdaǵy jyldyń basynan beri búginge deıin monıtorıngtik toptyń reıdtik tekseristerimen 14 386 nysan qamtyldy. Nátıjesinde 788 karantın talaptaryn buzýshylyq anyqtaldy. Degenmen karantın talaptaryn buzýshylyqtar áli de jalǵasýda. Jyl basynan beri 500-den astam toı ótkizý anyqtaldy», - dedi oblystyq sanıtarlyq-epıdemıologııalyq baqylaý departamentiniń basshysy Dınara Jańabergenova.

Eske salsaq, Qyzylordada «Ashyq» júıesi arqyly oqshaýlaný tártibin buzǵan 1111 azamat anyqtaldy.