Qyzylordada 12 tonna propan tasymaldap bara jatqan kólik órtendi
QYZYLORDA. QazAqparat - Qyzylorda oblysynda 12 tonna propan tasymaldap bara jatqan MAN júk kóligi órtendi, dep habarlaıdy QazAqparat tilshisi.
Oqıǵa 13 jeltoqsanda Qyzylorda qalasy «Qyzylorda-Jezqazǵan» tasjolynyń boıynda boldy. Tótenshe jaǵdaılar qyzmetine jolda júk kóligi janyp jatqandyǵy jóninde habarlama túsken.
«Oqıǵa ornyna órt sóndirý qyzmetiniń jeke quramy jedel jetip, «Azımýt» JShS-ǵa qarasty propan tasymaldaıtyn 12 tonnalyq MAN markaly júk kóliginiń aldyńǵy bóligi janyp jatqanyn anyqtady. Órt sóndirýshilerdiń jedel is-qımylynyń arqasynda 12 tonna propannyń jarylýyna jol berilgen joq. Júk kóligi Shymkent qalasynan Aqshabulaq ken ornyna bara jatqan. Órt tolyǵymen joıyldy. Zardap shekkender joq. Órttiń shyǵý sebebi men shyǵyny anyqtalý ústinde», dep málim etti Qyzylorda oblystyq Tótenshe jaǵdaılar departamenti baspasóz qyzmetiniń mamany Aıgúl Nurmanova.
