Qyzylordada 113 myńdaı adam revaktsınatsııadan ótti
Ótken jyldyń 22 qarashasynan bastap vaktsınanyń 2 týrymen qamtylyp, 6 aı aralyq merzimi ótken azamattarǵa býsterli dozasyn egý qolǵa alyndy. Bul boıynsha koronavırýspen aýyrǵan adamdarǵa da atalǵan merzim bekitilgen.
Saýyqqan kúnnen 6 aı aralyq merzimnen revaktsınatsııa júrgiziledi. Qazir óńirde 2-týr vaktsınatsııasynan keıin 6 aı merzim ótken 189 800 turǵyn bar. Qazirgi tańda olardyń 58,3 paıyzy revaktsınatsııamen qamtyldy. Ol - 112 964 adam.
«Oblys boıynsha koronavırýs ınfektsııasyna qarsy ımmýndaý naýqanyna 106 ekpe kabıneti jumyldyrylǵan. Budan bólek, shalǵaıdaǵy eldi mekenderde, uıymdasqan ujymdarda, adamdar kóp jınalatyn jerlerde koronavırýs ınfektsııasyna qarsy vaktsınatsııalaý júrgiziledi. Onda arnaıy oqytylǵan medıtsınalyq personal halyqqa qyzmet kórsetedi. Oǵan qosa arnaıy tońazytqysh jabdyqtarymen jaraqtandyrylǵan jyljymaly egý brıgadalry iske qosylǵan. Búgingi kúni 36 jyljymaly brıgadanyń jumysy uıymdastyrylǵan», - dep málim etti oblystyq Sanıtarııalyq-epıdemıologııalyq baqylaý departamentinen.
Eske salsaq, Qyzylordada bıyl 157 adam úıde oqshaýlaný tártibin buzǵany anyqtaldy.
