Qyzylordada 10659 adam koronavırýs ınfektsııasyna qarsy vaktsına saldyrdy
Óńirde qaterli indetke qarsy ekpe saldyrý aqpan aıynyń alǵashqy kúninen bastaldy. Olardyń qatarynda medıtsına qyzmetkerleri, muǵalimder, ýchaskelik polıtseıler, stýdetter, medıtsınalyq-áleýmettik jáne jabyq balalar mekemeleriniń personaly men kontıngenti, tótenshe jaǵdaılar, qorǵanys mınıstrligi, ulttyq qaýipsizdik komıteti, polıtsııa, memlekettik kúzet qyzmetiniń mamandary bar. Sondaı-aq, oǵan polıtsııa basqarmasynyń kontıngenti, memlekettik qyzmetshiler. QR akkredıttelgen dıplomatııalyq, konsýldyq mekemelerdiń qyzmetkerleri sanalatyn azamattar, ulttyq qurama komandalardyń músheleri engizilgen. Atalǵan tizimge qant dıabeti, ókpeniń sozylmaly obstrkýtıvti aýrýy, júrek-tamyr júıesi sekildi sozylmaly dertteri bar adamdar qosylady.
«Aıta keterligi, olardyń ishinde medıtsına qyzmetkerleri 4330 (40,6%), muǵalimder 2619 (24,5%), ýchaskelik polıtseıler 855 (8,0%) adamdy quraıdy. Vaktsınanyń alǵashqy partııasy oblysqa 1 aqpanda jetkizilse, odan keıin 2 naýryzda tolyqtyryldy. Bıylǵy jyldyń 1 sáýirinde úshinshi, 9 sáýirinde tórtinshi partııasy jetkizildi. Qazir jergilikti jerde 16100 doza bar. Qazirge deıin 10659 doza vaktsına salyndy», - dedi oblystyq densaýlyq saqtaý basqarmasynan.
Budan buryn Qyzylordada 1,2 myń muǵalimge koronavırýsqa qarsy vaktsına salynǵany habarlanǵan edi.