Qyzylordada 100 jasaǵan qos qarııa alǵashqylardyń biri bolyp daýys berdi
Qyzylorda oblysy Syrdarııa aýdanynda turatyn 101 jastaǵy soǵys jáne eńbek ardageri ıAhııa Tasyrov Tereńózek kentindegi №155 saılaý ýchaskesinde tańdaý jasady.
«Durys tańdaý jasaý eldiń erteńin eńseli etedi. Qashanda mundaı saıası sharadan shet qalmaımyn. Búgin de sol úrdisten ajńylǵan joqpyn», - dedi ıA.Tasyrov.
Sonymen qatar Qazaly aýdanyna qarasty Ǵ. Muratbaev aýylynyń 100 jastaǵy turǵyny Shamsha Aımashqyzy №64 saılaý ýchaskesinde tańdaýyn jasady. Saıası shara resmı túrde ashylǵannan keıin ol kisi alǵashqy bolyp daýys berdi.
«Saıası naýqanǵa óz úlesimdi qossam degen nıetpen ertemen kelip, tańdaý jasadym. Barlyq turǵyn búgingi sharadan qalys qalmaýy tıis. Halqymyz aman bolsyn! Ózgeristerdiń barlyǵy ońynan bolsyn», - dedi Sh. Aımashqyzy.
Qart ana óz tańdaýyn jasaǵannan keıin aq batasyn berip, sáttilik tiledi. Saılaý ýchaskesiniń tóraǵasy Darhan Aldabergenov ájege qazaqy dástúrge saı kamzol kıgizip, ıyǵyna aq jaýlyqty japty.
Keıýana alty ul-qyz tárbıelep ósirgen. Búginde 15 nemere, 28 shóbere, 8 shópshek súıip otyr. Ol kisi barlyq saıası naýqanǵa belsene qatysyp keledi.
Eske salsaq, búgin elimizde Qazaqstanda Májilis pen máslıhat depýtattaryn saılaý bastaldy.
