Qyzylordada 100 kitap buryshy ashyldy

QYZYLORDA. QazAqparat - Qyzylordada jastar resýrstyq ortalyǵynda elimizde «Rýhanı jańǵyrý» baǵdarlamasy aıasynda qazaq tiline aýdarylǵan 100 kitap buryshynyń ashylýy ótti, dep habarlaıdy QazAqparat tilshisi.

Oblystyq ishki saıasat basqarmasyna qarasty «Jastar resýrstyq ortalyǵynda» elimizdegi «Rýhanı jańǵyrý» baǵdarlamasy aıasynda qazaq tiline aýdarylǵan 100 kitap buryshynyń ashyldy. ​Maqsat - ǵalamdyq mádenıet pen órkenıetten habar beretin, gýmanıtarlyq bilimniń barlyq baǵyty boıynsha álemdegi tańdamaly oqýlyqtardy qyzylordalyq jastar arasynda nasıhattaý.

Atalǵan shara barysynda Á.Tájibaev atyndaǵy oblystyq kitaphana qyzmetkerleri Nazerke Nurlybekqyzy qazaq tiline aýdarylǵan 100 kitaptyń qaı salaǵa basymdyq berilgendigi týraly jan-jaqty maǵlumat berdi. Odan keıin aqyn, QR Óner qaıratkeri, Qarmaqshy aýdanynyń qurmetti azamaty Serik Ydyrysov sóz alyp, taqyrypqa baılanysty oı-pikirin bildirdi.

Oblystyq ishki saıasat basqarmasynyń basshysy Mıra Qazbekova árdaıym jastar bastamasyna qoldaý kórsetilip kele jatqanyn atap ótti. Bul shara - sonyń bir kórinisi.

«Syr óńiriniń jastary, qalamyzdyń kez-kelgen turǵyny «Jastar ortalyǵyna» kelip, osy teńdesi joq kitaptardy oqyp, tanym kókjıegin keńeıte alady. Jastardyń kótergen bastamasyna oraı bergen usynysymyzǵa qoldaý bildirgen «Ulttyq aýdarma bıýrosynyń» qoǵamdyq qorynyń jetekshisi Raýan Kenjehanulyna alǵysymyzdy bildiremiz», - dedi basqarma basshysy.

Shara sońynda M.Jomartqyzy óz tarapynan «Jastar ortalyǵynyń» kitaphanasyna jáne oqyrmandar klýbyna arnaıy tartý esebinde syrboıylyq avtorlardyń kitaptaryn jáne klassıkalyq ádebı aýdarmalardy syıǵa tartty.

Eske salsaq, budan buryn Qyzylorda oblysynda Japonııa úkimetiniń baǵdarlamasy júzege asyrylýda.