Qyzylordada 10 jastaǵy bala koronavırýs juqtyrdy
Oqýshy 2010 jyly dúnıege kelgen. PTR analızi shuǵyl túrde somatıkalyq aýrý dıagnozy boıynsha aýrýhanaǵa jatar aldynda alynǵan. Taldaý nátıjesi koronavırýs oqýshynyń ınfektsııasyn juqtyrǵanyn naqtylady.
«Aýrý klınıkalyq belgisinsiz tirkelip otyr. Naýqaspen baılanysta bolǵan adamdardyń barlyǵy medıtsınalyq baqylaýǵa alyndy. Profılaktıkalyq jáne epıdemııaǵa qarsy sharalar júrgizilýde», - dep málim etti Qyzylorda oblysy sanıtarlyq-epıdemıologııalyq baqylaý departamentiniń baspasóz hatshysy Aıman Janahaeva.
Sońǵy táýliktegi derek boıynsha Qyzylorda oblysynda koronavırýs ınfektsııasyn juqtyrǵan 3302 adam tirkelgen.
Esterińizge sala ketelik, Qyzylordada sońǵy on kúnde úsh oqýshy koronavırýs juqtyrǵan. Jańa oqý jylynan bastap oblysta 11 baladan koronavırýs anyqtalǵan. Olardyń barlyǵy qashyqtan bilim alady.