Qyzylordada 10 jasar bala sýǵa aǵyp ketti
Oqıǵa 23 mamyrda jergilikti ýaqytpen saǵat 18.00 shamasynda boldy. Qyzylorda qalasyna qarasty Tasbóget kentindegi kanalǵa shomylǵan úshinshi synyp oqýshysy sýǵa aǵyp ketken.
«Qazir onyń denesi izdestirilýde. Oǵan Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń 22 qyzmetkeri tartylǵan. Ázirge nátıje joq. Jyl basynan beri oblysta 7 adam sýǵa ketti. Byltyr bul jaǵdaıdan barlyǵy 26 adam qaza tapsa, onyń 10-y bala. Aımaqta áli sýǵa túsý maýsymy bastalǵan joq. Sondyqtar turǵyndardan qaýipsizdik sharalaryna nazar aýdarýyn suraımyz», - dedi Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.
Budan buryn Syrdarııa ózeninde sýǵa batyp bara jatqan 24 jastaǵy jigit qutqarylǵan bolatyn.