Qyzylordada 10 jáne 13 jastaǵy eki bala darııaǵa batyp ketti
QYZYLORDA. QazAqparat - Qyzylorda oblysynda 10 jáne 13 jastaǵy eki bala Syrdarııa ózenine sýǵa batyp ketti, dep habarlaıdy QazAqparat tilshisi.
Oqıǵa 11 tamyzda elorda ýaqytymen saǵat 19.10-de Syrdarııa aýdany aýmaǵyndaǵy Qaraózek stansasy mańyndaǵy darııa boıynda bolǵan. Oblys ortalyǵynda turatyn eki bala belgilenbegen aýmaqta sýǵa shomylǵan.
«Oqıǵa ornynda oblystyq tótenshe jaǵdaılar departamentiniń 7 qyzmetkeri 2 tehnıkamen izdestirý sharasyn bastap ketti. Ázirge olardyń máıiti tabylǵan joq. Bul jerde polıtseıler de qyzmetin atqardy», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.
Sondaı-aq, budan buryn Qyzylordada dostarymen sýǵa túsken 22 jastaǵy jigit darııaǵa batyp ketti.
