Qyzylordada 1 myń adam koronavırýsqa qarsy vaktsına saldyrdy
QYZYLORDA. QazAqparat - Qyzylordada búginge deıin koronavırýs ınfektsııasyna qarsy 1000 adam vaktsına saldyrdy, dep habarlaıdy QazAqparat tilshisi.
Óńirge aqpan aıynyń basynda «Spýtnık V» reseılik vaktsınasynyń 1000 dozasy jetkizildi. Bul jumystarǵa qazir №1, №3 jáne №6 qalalyq emhanalarda 3 egý kabınetteri daıyndalǵan. Ekpe jumystaryn júrgizýge oblys boıynsha barlyǵy 133 meıirbıke, 89 dýbler tartylǵan.
Oblys ákimi baspasóz qyzmetiniń habarlaýynsha, alǵashqy 15 kúnde oblysta 815 adam vaktsına saldyrǵan. Odan keıin olardyń qataryn taǵy 185 adam tolyqtyrǵan.
Ekpe saldyrǵandardyń basym bóligi medıtsına qyzmetkeri bolsa, qalǵany – ekpe saldyrýǵa nıet bildirgen turǵyndar.
Esterińizge sala ketelik, budan buryn Qyzylordada modýldi ınfektsııalyq aýrýhana sáýirde paıdalanýǵa beriletini habarlandy.
