Qyzylordada 1,5 mln-ǵa jýyq salyq qaryzy bar BMW avtokóligi tárkilendi
NUR-SULTAN. QazAqparat - Salyqqa 1 mıllıon teńgeden astam qaryzy bar qyzylordalyq azamattyń kóligi aıypturaǵyna qoıyldy. Bul týraly Memlekettik kirister komıtetiniń baspasóz qyzmeti habarlady.
«03.09.2021 jyly Qyzylorda qalasy boıynsha Memlekettik kirister basqarmasynyń qyzmetkerleri Ákimshilik polıtsııa basqarmasynyń jáne jeke sot oryndaýshylarynyń óńirlik palatasynyń qyzmetkerlerimen birlesip, joldardaǵy salyq qaryzy bar avtokólikterdi anyqtaý jáne olardy arnaıy aıyppul turaǵyna qoıý boıynsha reıd júrgizý kezinde BMW 745I markalyavtokólik toqtatylyp, 2017-2020 jyldarda jınalǵan jalpy somasy 1 384 500 teńge quraıtyn kólik salyǵynan bereshegi úshin avtokóligi tárkilendi» delingen habarlamada.
Iesi qaryzyn ótegenge deıin kólikti Qyzylorda qalasyndaǵy polıtsııanyń mamandandyrylǵan aıyppul turaǵyna qoıdy. Avtokólik ıesine salyǵy boıynsha qaryzdy óteý mindetteldi.
Reıdtik is-shara budan ári jalǵasyn tabatyn bolady.
