Qyzylordada 1,3 myńnan astam áıelden sút bezi qaterli isigi anyqtaldy
QYZYLORDA. QazAqparat - Qyzylorda oblysynda bıyl 1300-den astam áıelden sút bezi qaterli isigi anyqtaldy. Atalmysh derekter jergilikti dárigerlerdiń turǵyndardy skrınıngtik tekserý sharalary arqyly belgili boldy, dep habarlaıdy QazAqparat tilshisi.
Qyzylorda oblystyq salaýatty ómir saltyn qalyptastyrý ortalyǵynyń mamandary bul maqsatta arnaıy sharalar ótkizip keledi. Skrınıngtik tekseristiń mańyzdylyǵyn turǵyndar arasynda túsindiredi. Bıyl osy maqsatta «Eskertý - túzetýden ońaı» uranymen 10 kúndik aktsııa bolyp ótti. Ol jylma-jyl turaqty túrde qolǵa alynyp keledi. Ústimizdegi jyly 22 myńǵa jýyq áıel tekserýden ótti. Olardyń arasynda 1 368 názik jandydan sút bezi qaterli isigi anyqtaldy. Onyń ishinde 70-i qaterli isiktiń alǵashqy satysynda turǵandar eken.
«Jalpy, aýrýdyń paıda bolý sebepterin zerttep kórgende, onyń tómendegi jaǵdaılardan týyndaǵanyna kózimizdi jetkizdik. Áıelder ýaqytyly tamaqtanýǵa nazar aýdarmaıdy. Sondaı-aq, sábıdi emizýdi erte toqtatyp, dene qozǵalysyna kóp kóńil bóle bermeıdi», - dedi Qyzylorda oblystyq densaýlyq saqtaý basqarmasynyń bas mamany Gúlzat Esbolova.
Dárigerler osyndaı jaǵdaılarǵa basa nazar aýdarý qajettigin aıtady. Ony asqyndyryp almaı, erte anyqtaýǵa múmkindik bar. Ol aýrýdyń aldyn alady.
