Qyzylordada 1,2 myń muǵalimge koronavırýsqa qarsy vaktsına salyndy
QYZYLORDA. QazAqparat - Qyzylorda oblysynda koronavırýsqa qarsy vaktsınatsııanyń ekinshi kezeńinde 1261 pedagog ekpe saldyrdy, dep habarlaıdy QazAqparat tilshisi.
Onyń ishinde aýdandyq, qalalyq bilim bólimderiniń basshylary, dırektorlar men pedagogtar bar.
Qaterli indetke qarsy vaktsına qabyldaǵan turǵyndar arasynda oblystyq Bilim basqarmasynyń basshysy Aqzıra Qasymova da bar.
«Ózim de №3 qalalyq emhanada vaktsına saldyrdym. Dárigerler densaýlyǵymdy baqylap, qan qysymymdy ólshedi. Dene qyzýymdy tekserip, ekpe ekti. Bilim berý uıymdaryn aralap, pedagogtarmen qarym-qatynas ornatyp, balalarmen kezdesetindikten, vaktsına saldyrýdyń mańyzy zor jáne odan qorqýdyń qajeti joq. Sát saıynǵy statıstıka indettiń taralýy báseńsı qoımaǵanyn kórsetedi. Adam shyǵyny da az emes. Ótpeli kezeńdi ótkerý, alqymnan alǵan indettiń jolyn kesý jáne onyń taralyp ketýin neǵurlym azaıtý maqsatynda bizdiń elde barlyq shara qoldanylýda. Bilim salasynda eńbek etetin ustazdar qaýymy úshin onyń mańyzy zor. Kemel keleshektiń kilti – balalardyń densaýlyǵyn saqtaýǵa tıispiz. Qazir biz mektepke keletin balalardyń densaýlyǵyna jete mán berip, 5 satydan turatyn dezınfektsııalyq tekserýdiń tolyqqandy iske asýyn qadaǵalaýda ustaýdamyz», - deıdi basqarma basshysy.
