Qyzylorda-Jezqazǵan jolynyń qurylysy qashan bastalady
ASTANA. QazAqparat - «Qyzylorda-Jezqazǵan» jolynyń qurylysyna iri halyqaralyq qarjy ınstıtýttar qyzyǵýshylyq tanytyp otyr. Bul týraly Májilistegi Úkimet saǵatynda QR Investıtsııalar jáne damý mınıstri Jeńis Qasymbek málim etti, dep habarlaıdy QazAqparat.
«Qyzylorda-Jezqazǵan» jolyn qaıta salý máselesi qarastyrylyp jatyr. Búginde osy jolǵa qatysty mınıstrlikke suraqtar kóptep túsip jatyr. Búginde atalǵan jol ýchaskesiniń qurylysyna Azııa damý banki men Eýropalyq qaıta qurý jáne damý banki sekildi halyqaralyq qarjy ınstıtýttary qyzyǵýshylyq tanytýda», - dep toqtaldy mınıstr.
Onyń sózine qaraǵanda, atalǵan jolǵa qatysty tehnıkalyq ekonomıkalyq negizdemeni daıarlaý boıynsha memorgandarmen tıisti jumystar atqarylýda. Jobalyq jumystar 2019 jyly bastalady. Qajetti qarjy bıýdjet jobasynda eskerilgen. Bul turǵyda bıýdjettik komıssııa tarapynan qoldaý jasaldy.
Úılestirý keńesiniń sheshimine sáıkes, bank zaımyn 2020 jyly tartý josparlanyp otyr.
