«Qyzylorda-Jezqazǵan» poıyzynyń baǵdary Astanaǵa deıin sozylýy múmkin
ASTANA. QazAqaparat - Búgin halyqpen eseptik kezdesýin ótkizgen QR Investıtsııalar jáne damý mınıstri Jeńis Qasymbek «Qyzylorda-Jezqazǵan» poıyzynyń baǵdaryn Astanaǵa deıin sozý máselesin qarastyratyndyǵyn aıtty, dep habarlaıdy QazAqparat.
Kezdesý barysynda mıınstrge «Qyzylorda-Jezqazǵan» poıyzynyń baǵdaryn Astanaǵa deıin sozýǵa bola ma?», degen suraq qoıylǵan bolatyn.
«Ol poıyzdy sozýǵa bolatyn shyǵar. Biraq, meniń bilýimshe, búgingi kúni Jezqazǵannan Astana arqyly Kókshetaýǵa baratyn poıyz bar. Siz aıtqan poıyz boıynsha men temirjol basshylary aldynda másele kóteretin bolamyn», - dedi Jeńis Qasymbek.
