«Qyzylorda – Jezqazǵan» avtojoly jobasyna qatysty qoǵamdyq tyńdaýlar ótedi
«QR IIDM Avtomobıl joldary komıteti 2020 jylǵy 8 jáne 12 maýsym aralyǵynda «Respýblıkalyq mańyzy bar «Qyzylorda-Pavlodar-Ýspenka-RF shekarasy» avtomobıl jolynyń uzyndyǵy 412 shaqyrymdy quraıtyn «Qyzylorda-Jezqazǵan» (12-424 shaqyrymy) ýchaskesin qaıta jańartý» jobasynyń tehnıkalyq-ekonomıkalyq negizdemesi men «Qorshaǵan ortaǵa áser etýdiń aldyn ala baǵasy» jobasyn ashyq jınalysta talqylaý maqsatynda qoǵamdyq tyńdaýlardy ótkizedi», - delingen IIDM baspasóz qyzmetiniń habarlamasynda.
Qyzylorda oblysynda qoǵamdyq tyńdaýdy ótkizý merzimderi men oryndary:
- 2020 jylǵy 11 maýsymda saǵat 16:00-de, Qyzylorda qalasy, Dostyq úıi ǵımaraty.
- 2020 jylǵy 12 maýsymda saǵat 10:00-de, Syrdarııa aýdany, Tereńózek eldi mekeni, Mádenıet úıi ǵımaraty.
- 2020 jylǵy 12 maýsymda saǵat 16:00-de, Shıeli aýdany Shıeli eldi mekeni, «Arman» mádenıet úıi.
Qaraǵandy oblysynda qoǵamdyq tyńdaýdy ótkizý merzimderi men oryndary:
- 2020 jylǵy 8 maýsymda saǵat 11:00-de, «NurOtan» partııasynyń Jezqazǵan qalasy boıynsha fılıalynyń ǵımaraty.
- 2020 jylǵy 8 maýsymda saǵat 16:00-de, Talap eldi mekeni, №14 mekteptiń ǵımaraty.
- 2020 jylǵy 9 maýsymda saǵat 10:00-de, Ulytaý aýdany, Ulytaý eldi mekeni, Abaı kóshesi, 27.
- 2020 jylǵy 9 maýsymda saǵat 17:00-de, Ulytaý aýdany Mıbulaq eldi mekeniniń klýb ǵımaraty.
«Sonymen qatar, Qyzylorda jáne Qaraǵandy oblystarynda 2020 jylǵy 16 mamyr men 22 maýsym aralyǵynda saýalnama túrindegi qoǵamdyq tyńdaýlardyń ótip jatqandyǵyn eske salamyz. Qoǵam ókilderi tarapynan usynystar men shaǵymdar elektrondy túrde qabyldanýda. Saýalnama Qyzylorda oblysynda 2020 jylǵy 16 mamyr men 13 maýsym aralyǵynda, Qaraǵandy oblysynda 2020 jylǵy 22 mamyr men 22 maýsym aralyǵynda ótedi», - dep atalyp ótken vedomstvo málimetinde.
